തൃപ്രങ്ങോട്ടൂർ
ഗ്രാമ പഞ്ചായത്ത്

തൃപ്രങ്ങോട്ടൂർ ഗ്രാമപഞ്ചായത്തിന്റെ സാമൂഹ്യ-സാംസ്‌കാരിക ചരിത്രം ജന്മി-കുടിയാൻ വ്യവസ്ഥയുടെയും കർഷകജീവിതത്തിന്റെയും പശ്ചാത്തലത്തിലാണ് വളർന്നു വന്നത്. ആദ്യം ഭൂമി ജന്മിമാരുടെയും ദേവസ്വങ്ങളുടെയും അധീനതയിലായിരുന്നു. 1948-ൽ മലനിരപ്രദേശങ്ങൾ റബ്ബർ കൃഷിക്കായി വിറ്റതോടെ തൊഴിലവസരങ്ങൾ വർധിച്ചെങ്കിലും ചെറിയ കർഷകർ നിരവധി ബുദ്ധിമുട്ടുകൾ അനുഭവിച്ചു. സ്വാതന്ത്ര്യസമരത്തിലും ക്വിറ്റ് ഇന്ത്യാ പ്രസ്ഥാനത്തിലും ഈ പ്രദേശത്തെ നിരവധി പേർ സജീവമായി പങ്കെടുത്തു. 1953-ൽ രൂപം കൊണ്ട തൃപ്രങ്ങോട്ടൂർ പഞ്ചായത്ത് പിന്നീട് പൊയിലൂർ പഞ്ചായത്തുമായി ലയിച്ച് ഇന്നത്തെ ഗ്രാമപഞ്ചായത്തായി മാറി. പഞ്ചായത്തിൽ ആരംഭിച്ച ആദ്യകാല വിദ്യാലയങ്ങൾ സംസ്കൃത-അറബി പഠനത്തിനും സാമൂഹിക നവോത്ഥാനത്തിനും വലിയ സംഭാവന നൽകി. ദേശീയപ്രസ്ഥാനം, അധ്യാപക-കർഷക പ്രസ്ഥാനങ്ങൾ എന്നിവയുടെ സ്വാധീനത്തിൽ പ്രദേശത്ത് ശക്തമായ സാംസ്‌കാരിക ഉണർവ് ഉണ്ടായി. ഹിന്ദു, മുസ്ലീം, ക്രൈസ്തവ സമൂഹങ്ങൾ സമാധാനപരമായി...